Cesefor finaliza as actuacións de conservación dentro da ZEC "Fuentes Carrionas y Fuente Cobre-Montaña Palentina", na provincia de Palencia

A Fundación Cesefor, (socio do proxecto LIFE BACCATA), coa colaboración e asesoramento técnico da Junta de Castilla y León (xestor dos Montes de Utilidade Pública onde se sitúan os teixadais e socio do proxecto LIFE BACCATA), finalizou no pasado mes de xuño as actuacións de mellora e conservación dos teixadais na Zona de Especial Conservación (ZEC) "Fuentes Carrionas y Fuente Cobre-Montaña Palentina", en Cervera de Pisuerga, provincia de Palencia. Os traballos consistiron na instalación de cerramentos arredor de "golpes" ou pequenos grupos de rexenerado natural de teixo para protexelos da presión dos herbívoros silvestres.

As actuacións de conservación, executadas pola empresa FORESA, comezaron a finais de 2019, aprazándose as mesmas tras a declaración do estado de alarma sanitaria provocado por o COVID-19. Nesta primeira fase, realizáranse claras selectivas e anelado en faia en cinco dos rodais previamente caracterizados na Acción preparatoria do LIFE BACCATA, completándose os traballos cos devanditos cerramentos.