Ceseforrek amaitu ditu "Fuentes Carrionas y Fuente Cobre-Montaña Palentina" KBEaren barruko kontserbazio-jarduketak, Palentziako probintzian

Cesefor Fundazioak (LIFE BACCATA proiektuko bazkidea), Gaztela eta Leongo (hagin multzoak lekutzen diren erabilera publikoko mendien kudeatzailea eta LIFE BACCATA proiektuko bazkidea) lankidetza eta aholkularitza teknikoarekin, joan den ekainean “Fuentes Carrionas y Fuente Cobre-Montaña Palentina” izeneko Kontserbazio Bereziko Eremuan (KBE), Cervera de Pisuergan (Palentziako probintzian) hagin multzoak hobetu eta kontserbatzeko esku-hartzeak amaitu ditu. Lanetan hagina modu naturalean birsortzeko “kolpe” edo multzo txikien inguruan itxiturak instalatu dira, basoko belarjaleen presioaren aurrean haiek babesteko.

Kontserbaziorako esku-hartzeak, FORESA enpresak gauzatuak, 2019. urtearen amaieran hasi ziren, baina atzeratu egin dira COVID-19 gaixotasunak sorrarazi duen osasun alarma-egoera deklaratu ostean. Lehendabiziko fasean, pagoetan bakantze selektiboak egin eta eraztunak ipini ziren aldez aurretik LIFE BACCATA proiektua prestatzeko Ekintzan ezaugarritu ziren unaden arteko bostetan, lanak aipatutako itxiturekin osatu zirelarik.